Жаңалықтар

Қарағанды облысының тілдерді дамыту жөніндегі басқармасы 25 шілдеде тіл саясатына қатысты мәселелерді шешу жолдарын қарастыру мақсатында басқарма басшыларымен кездесу өткізді.

Кездесу ҚР Ғылым және жоғары білім министрлігі Тіл саясаты комитетінің төрағасы - Тілешов Ербол Ердембекұлының қатысуымен өткізілді. Іс-шарада Қазақстан Республикасында тіл саясатын дамытудың 2023 – 2029 жылдарға арналған тұжырымдамасы талқыланып, жалпы мемлекеттік тілдің қолданыс аясы сөз етілді.

Сондай-ақ негізгі мемлекеттік мекемелер және оларға бағынысты мекемелердің iс қағаздарын жүргiзу мәселесі, мемлекеттік қызметшілердің мемлекеттік тілге деген жауапкершілігін күшейту мәселесі қарастырылды.