Жаңалықтар

Бүгін 16 желтоқсан – Тәуелсіздік күніне орай жас сарбаздардың Отанға, туған жерге деген патриоттық сезімін оятып, мемлекеттік тілге деген құрметін арттыру мақсатында 6505 әскери бөлімінде «Тәуелсіздік – тәу етер жалғыз кием» тақырыбында сайыс өткізілді.

Сайысқа «Ұландар», «Өнерлі сарбаздар», «Жас қыран» командалары қатысып, «Білімді мыңды жығар», «Өнерлі өрге жүзер», «Ұлы дала тұлғалары», «Кіл жүйрікте кім жүйрік?» деп аталатын кезеңдер бойынша бақ сынасты. Командалар әр кезеңнің тапсырмаларын жауапкершілікпен орындап, мемлекеттік тілге деген құрметін көрсетті.

Сайыс қорытындысы бойынша I – орын «Ұландар», II – орын «Өнерлі сарбаздар», III – «Жас қыран» топтары үздік деп танылып, арнайы дипломдармен марапатталды.